6 Boxers of Central africa , Have embraced the Islam.

Posted by Anonymous on 8:30 PM

بے نظیر بھٹو انٹرنیشنل باکسنگ ٹورنامنٹ میں شرکت کے لئے پاکستان آئے ہوئے وسطی افریقہ کے چھ باکسرز نے اسلام قبول کرنے کا فیصلہ کیا ہے۔

واضح رہے کہ وسطی افریقی باکسنگ اسکواڈ کے کوچ محمد، مسلمان ہیں۔

پاکستان باکسنگ فیڈریشن کے صدر دودا خان بھٹو کے مطابق یہ باکسرز منگل کو جامعہ بنوریہ العالمیہ کے مہتمم مفتی نعیم کے ہاتھوں اسلام قبول کرینگے۔

اسلام قبول کرنے والے باکسرز میں نیام بنگوئی، این گوکو، این درش، بنگولا، یاگرجی بوڈو اورسیلے بینگے شامل ہیں۔ یہ تمام باکسرز صرف فرانسیسی زبان میں بات کرتے ہیں۔

وسطی افریقی باکسنگ ٹیم کے کوچ محمد نے بی بی سی سے بات کرتے ہوئے کہا کہ وہ پاکستان اور پاکستانی لوگوں سے بہت متاثر ہوئے ہیں۔

انہوں نے کہا کہ ان کا ملک غریب ہے اور اگر پاکستان باکسنگ فیڈریشن ان کی مالی مدد نہ کرتی تو ان کے باکسرز کے لیے یہاں آکر کھیلنا ممکن نہ تھا۔

انہوں نے کہا کہ وسطی افریقہ دنیا کے غریب ملکوں میں سے ایک ہے جہاں کی آْبادی کا پچاس فیصد عیسائی ہیں جبکہ مسلمان پندرہ فیصد ہیں۔

وسطی افریقہ میں باسکٹ بال کے بعد باکسنگ دوسرا مقبول کھیل ہے
Courteous By BBC۔